Russiýanyň 24-nji iýunda Ukrainanyň Dnepr şäherine we Dnepropetrowsk oblastyna ballistik raketalar bilen eden hüjümi netijesinde ölenleriň sany 18 adama ýetdi. Bu barada ýerli häkimiýetler habar berdi.
Oblast administrasiýasynyň başlygy Serhiý Lysakyň soňky maglumatyna görä, hüjümde takmynan 300 adam ýaralandy.
Raketalaryň biri Odessa-Zaporižýe ýolagçy otlusyna degdi.
Ukrainanyň prezidenti Wolodymyr Zelenskiniň sözlerine görä, 500 ýolagçyly otlynyň 5 wagonyna zeper ýetdi, ýöne hiç kim heläk bolmady.
Hüjüm netijesinde raýat infrastrukturasyna, mekdeplere, çagalar baglaryna we ýaşaýyş jaýlaryna zeper ýetdi.